ལོ་རིམ་བདུན་པའི་སློབ་གཉེར་བ། པདྨ་རྒྱ་མཚོ།
དགུང་གི་དཀར་གསལ་ཟླ་བ།།
མི་འགྱུར་བརྟན་པར་བཞུགས་དང་།།
ས་མཐའི་ཀུ་མུད་དཀར་པོ།།
འཚོ་བ་ཁྱེད་ཀྱི་བཀའ་དྲིན།།
ན་ཆུང་ཁྱེད་ཀྱི་ཞལ་རས།།
མེ་ཏོག་པདྨས་བརྒྱན་འདྲ།།
སྦྲང་རྩིའི་དྲི་བསུང་འཐུལ་ནས།།
བུང་བ་དབང་མེད་བསྡུས་སོང་།།
སྐད་ཅིག་མི་སྡོད་ཁྱོད་ཀྱི།།
བཞིན་དང་ལུས་ཀྱི་རྣམ་འགྱུར།།
མིག་གི་ལམ་དུ་འཆར་དུས།།
ཡིད་ལ་དགའ་མཆོག་ཐོབ་བྱུང་།།
འཁོར་བའི་སྡུག་བསྔལ་སེལ་བའི།།
ཁྱོད་ནི་སྨན་གྱི་ལྗོན་པ།།
དགའ་སྐྱིད་གླིང་ལ་བསྐྱོད་པའི།།
གྲོགས་མཆོག་བདེ་བའི་གྲུ་གཟིངས།།
བསིལ་ཟེར་སྦྱིན་པའི་དུང་ཟླ།།
སྐུ་གཟུགས་ཐུགས་བཅག་གནང་རོགས།།
ལོ་གསུམ་ལོ་བཞིའི་རྗེས་སུ།།
ལུས་ངག་ཡིད་གསུམ་འབུལ་ཆོག།