ལོ་རིམ་བརྒྱད་པའི་སློབ་གཉེར་བ། པདྨ་ཆོས་དར།

དེ་ཡང་འཛམ་གླིང་གོ་ལ་ཟླུམ་པོའི་ཁྱོན་ཡོངས་ནས་དྲན་གསོ་རེ་བྱས་ཚེ། ང་ཚོའི་འཇིག་རྟེན་འདིར་ཁ་ཆག་སྣ་རལ་གྱི་ཁོར་ཡུག་གཏོར་བཤིག་དང་མི་གསོད་ཁྲག་སྦྱོར་གྱི་དབྱེ་འབྱེད་དེ་དག་ནི་ངན་བསྐུལ་དཀྲུག་ཤིང་གི་སྤྱོད་ལམ་ལ་བརྟེན་ནས་བྱུང་བ་ཤ་སྟག་རེད་འདུག དཔེར་ན་སྔོན་ཆད་འཚོ་བའི་ཟས་གོས་ངན་ངོན་ཙམ་གྱི་སྐབས་སུ་བཀྲེས་སྐོམ་གྱི་གདུང་བ་སེལ་བའི་དོན་དུ་མི་རྣམས་ཕན་ཚུན་ཟས་གོས་ཀྱི་ཆེད་འཐབ་ཀྲོལ་སྣ་ཚོགས་བྱས། དེ་ནས་ཕྱིས་སུ་འཚོ་བའི་ཡོ་བྱད་སོགས་ཡར་རྒྱས་ཧ་ཅང་ཕྱིན་ཀྱང་མིའི་འདོད་རྔམ་ལ་ཚིམ་པ་མེད་ཟེར་བ་ལྟར་འཛམ་གླིང་གོ་ལ་ཧྲིལ་པོའི་རྒྱལ་ཁབ་ཆེ་འབྲིང་ཆུང་གསུམ་གྱི་ཐོབ་དང་གོ་སའི་དོན་དུ་འཛམ་གླིང་དམག་འཁྲུག་དང་པོ་དང་། གཉིས་པ་སོགས་བྱུང་ནས་མུ་མེད་མཐའ་ཡས་རྒྱ་མཚོ་ལས་ཁྲག་གི་རྦ་རླབས་འཕྱུར་སོང་ཞེས་པ་དེ་ལོ་རྒྱུས་ཀྱིས་བདེན་དཔང་བྱེད་ཆོག་པར་སྣང་ངོ་།།

སེར་བྱེས་འབྲིང་རིམ་སློབ་གྲྭ། ཉི་བསམ། སྔོན་གླེང་། བོད་ཕྱི་ནང་གཉིས་སུ་བཞུགས་པའི་གདོང་དམར་བོད་པ་ཚང་གི་ཤ་ཁྲག་རུས་གསུམ་དང་འདྲེས་འཕྲད་དུ་གྱུར་པ་ནི་ངའི་ལས་དབང་བཟང་པོའི་བཀོད་སྒྲིག་གི་ལམ་ཉིད་ལས་སྨིན་པའི་འབྲས་བ…