རྣམ་གྲོལ་གླིང་གི་ལོ་རྒྱུས་ཆེན་མོ།
༈ ཕྱི་ལོ་ ༢༠༢༡ ལོར་དཔལ་གསང་ཆེན་སྔ་འགྱུར་བའི་གདན་ས་ཆེན་མོ་ཐེག་མཆོག་རྣམ་གྲོལ་བཤད་སྒྲུབ་དར་རྒྱས་གླིང་གི་བཤད་གྲྭ་སྔ་འགྱུར་མཐོ་སློབ་མདོ་སྔགས་རིག་པའི་འབྱུང་གནས་གླིང་གི་ཡན་ལག་སྔ་འགྱུར་རིག་མཛོད་རྩོམ་སྒྲིག་ལྷན་ཁང་ནས་༸སྐྱབས་རྗེ་གྲུབ་དབང་པདྨ་ནོར་བུའི་ཐུགས་བསྐྱེད་ལས་གྲུབ་པའི་གདན་ས་ཆེན་མོ་རྣམ་གྲོལ་གླིང་སྤྱི་དང་བྱེ་བྲག་སྡེ་ཚན་སོ་སོའི་ལོ་རྒྱུས་དང་། རྟེན་དང་བརྟེན་པའི་ངོ་སྤྲོད། འབྲེལ་ཡོད་གལ་ཆེན་མི་སྣ་རྣམས་ཀྱི་མཛད་རྣམ། ཁུངས་སོ་སོའི་འཛིན་སྐྱོང་གནང་ལུགས། ཕྱག་བཞེས་ཕྲིན་སྒྲུབ། ཁོར་ཡུག་བཅས་ཞིབ་པར་གསལ་བའི་ <<རྣམ་གྲོལ་གླིང་གི་ལོ་རྒྱུས་ཆེན་མོ།>> དེབ་ཕྲེང་གསུམ་དང་། གདན་ས་འདི་ཉིད་དང་འབྲེལ་བའི་མཁན་ཆེན་རྣམ་གསུམ་གཙོས་གནད་ཡོད་མི་སྣ་རྒན་གྲས་རྣམས་ལ་བཅར་འདྲི་ཞུས་པའི་ <<རྣམ་གྲོལ་གླིང་གི་ངག་རྒྱུན་ལོ་རྒྱུས།>> དེབ་ཕྲེང་གཉིས་བཅས་ཁྱོན་དེབ་ཕྲེང་ལྔ་རྩོམ་སྒྲིག་ཞུས་ཡོད།
